Orfeón Mariñeiro

logoorfeon

 emprego 2019 

O Concello de Vigo colaborou no financiamento dos gastos de contratación e fomento do emprego da asociación e, en xeral, da inserción laboral, o fomento do emprego, do asociacionismo e da participación cidadá.

 logo concello

 

O Concello de Vigo participa no financiamento das gastos de mantemento e fomento de actividades desta asociación.

minilogocascovello

imaxes

imaxes

Twitter Casco Vello

Festas
Cantos e Danzas de Reis 2012
Luns, 02 Xaneiro 2012 13:08

A Asociación Cultural e Veciñal traballa na recuperación da tradición dos Cantos e Danzas de Reis, orixinada na Idade media que hoxe en día volve a ter visibilidade nas rúas da cidade.

Esta tradición estivo a piques de perderse, malia que no barrio histórico da cidade, alá polos anos 40 do pasado século, tamén era costume que chegadas estas datas de Nadal saísen as rúas un grupo de xentes, as máis das veces, rapazas noviñas a cantar os reis e pedir ó aghinaldo.

 

Dende Asociación Cultural e Veciñal Casco Vello traballamos para recuperar esta tradición e para iso organizamos uns obradoiros abertos à participación de todas as persoas interesadas de calquera idade. Neles aprenderemos e repasaremos a historia dos Cantos e Danzas de Reis de xeito lúdico, tal como facían os nosos devanceiros.

 

Nos primeiros días do novo ano, 2012, 2, 3 e 4, luns, martes e mércores, a partir das seis e media da tarde, sairemos polas rúas do centro, dende a rúa da Oliva á do Principe, a cantar os reis e a pedir o aguinaldo. O domingo, 8, xa pola mañá, iremos ata Torrecedeira a cantarlle ás criaturas e tamén ás persoas maiores desa parte da vila.

 

reis2012

 
Reconquista 2012. Concurso de carteis
Venres, 16 Decembro 2011 12:41


 

Bases do VI concurso do carteis Festa da Reconquista da Vila de Vigo

 

O obxectivo deste concurso é seleccionar un cartel para empregar na divulgación do programa da Reconquista da Vila de Vigo 2012, que organiza a Asociación Veciñal e Cultural Casco Vello de Vigo (AVC Casco Vello) en colaboración coa Concellería de Cultura e Festas do Concello de Vigo.

 

Neste concurso poden participar todas as persoas físicas ou xurídicas que o desexen, podendo presentar cada unha delas unha única obra que deberá ser inédita.

 

Os orixinais realizaranse verticalmente, en papel de tamaño A3 (29,7x42 cm), e presentaranse protexidos e montados sobre soporte ríxido e desmontable, que permita a súa perfecta exposición. Ao mesmo tempo entregarase copia en soporte informático (jpg, bmp, png). A técnica para utilizar será libre, dentro dos límites usuais que permita unha normal reprodución fotomecánica.

 

No caso de remitirse facturados, a AVC Casco Vello non responderá de posibles danos nin extravíos, como tampouco da súa devolución.

 

A AVC Casco Vello non responderá dos posibles danos que poidan sufrir os carteis como consecuencia do seu transporte, manipulación, montaxe e desmontado, no caso de realizarse algunha exposición destes. Por este motivo recoméndase que os carteis se presenten en soporte de cartón, cartón pluma ou similar, evitando o emprego de cristal, metacrilato, enmarcado, etc.

 

Os orixinais deberán incluír necesariamente os seguintes textos:

 

 

  • Logotipo da Concellería de Cultura e Festas do Concello de Vigo. Descargar

 

A AVC Casco Vello corrixirá os posibles erros dos textos que figuren nas obras, así como calquera modificación de datas ou doutro tipo que puidesen xurdir. Tamén se reservará a facultade de modificar ou substituír o logotipo que apareza no orixinal, así como de variar a súa localización na composición definitiva do cartel que se edite.

 

Os carteis presentaranse no local da AVC Casco Vello, rúa Oliva nº 12 baixo, de luns a venres, en horario de 18:00h a 20:00h. O prazo de presentación será do 16 de decembro do 2011 ao 13 de xaneiro do 2012. Non serán admitidos os carteis que se reciban con posterioridade á data e hora indicadas, calquera que sexa a causa do retraso.

 

A resolución do xurado publicarase o 17 de xaneiro de 2012.

 

Estas bases comunicaranse a través dos medios de comunicación e estarán a disposición das e dos interesadas/os no propio local da asociación, así como, na súa páxina web: www.avcascovello.com.

 

 
Festa de Samaín 2011
Martes, 25 Outubro 2011 15:17

A véspera de Santos, o luns 31 de outubro, a partires das 17.30 horas, na praza do Berbés, celebraremos a Festa do Samaín. Unha festa, dirixida de xeito especial ás criaturas, pero na que tamén participaremos as xentes de máis idade para transmitirlles as tradicións, os costumes, as lendas, e divertírmonos todos e todas.

A Festa do Samaín é unha celebración das máis antigas do mundo celta, na que se celebra o remate do verán e das colleitas,  e se lle abre a porta a estación escura, o inverno, coa que comezaba o novo ano. Unha oportunidade de relación entre os vivos cos seus antepasados.

 

PROGRAMA

 

  • Obradoiro de calacús
  • Obradoiro de caracterización con maquillaxe
  • Os Narigudos da compañía de Títeres TANXARIÑA
  • Magosto infantil

samain_2011


 
Noite Meiga 2011
Venres, 17 Xuño 2011 17:09

 

 

meiga2011

 

O xoves, 23 de xuño, como ven sendo tradicional, celebraremos a Noite Meiga do Casco Vello na praza do Berbés. Ás doce da noite prenderemos a fogueira na que queimaremos os maleficios de inverno e descubriremos ás bruxas que se ocultan na escuridade

O lume e a auga serán os protagonistas dunha note máxica na que faremos o tránsito ao verán, ás colleitas e a luxuria.

Preparade a auga aromática coas herbas que recolleredes a noitiña, na que non ha de faltar herba luisa e eherba de san xoán, e deixarédelas ao resío da noite para lavar as caras e abrir os ollos e ver con claridade o resto do ano.

 

 

 

 
XXIX Festa dos Maios 2011
Venres, 29 Abril 2011 09:53

  maio2011

 

 

 

Este ano celebramos a XXIX edición da Festa dos Maios. Esta festa de recibimento da primavera e da fermosura e sensualidade que trae con ela, na que os campos se enchen de flores e as rúas de xentes contaxiadas polo optimismo que a luz e as caricias dos raios do sol sobre a pel espida produce nelas, é unha celebración ancestral que recuperamos para o goce da veciñanza.

 

 

 

PROGRAMA

 

08:00 Comezo da confección do Maio do Casco Vello

 

10:30 Apertura do mercado (mel, pan, coiro, flores...)

 

11:30 Obradoiro de alfarería

 

12:00 Contacontos

 

18:00 Representación da Festa dramatizada dos Maios e concerto do grupo tradicional Os Irmandiños

 

MAIOS CONVIDADOS

  • Grupo IMAN,
  • De Leite, Agarimar
  • Furancho A Balsa de Matamá
  • Asociación Veciñal O Carballo de Sárdoma

 

Díptico

 
<< Inicio < Anterior 1 2 3 4 5 Seguinte > Final >>

Páxina 5 de 5
© 2014 Asociación Veciñal e Cultural Casco Vello de Vigo