Orfeón Mariñeiro

logoorfeon

 emprego 2019 

O Concello de Vigo colaborou no financiamento dos gastos de contratación e fomento do emprego da asociación e, en xeral, da inserción laboral, o fomento do emprego, do asociacionismo e da participación cidadá.

 logo concello

 

O Concello de Vigo participa no financiamento das gastos de mantemento e fomento de actividades desta asociación.

minilogocascovello

imaxes

imaxes

Twitter Casco Vello

Festas
Cea da Reconquista 2013
Luns, 18 Febreiro 2013 16:01

 

CEA DA ÉPOCA de 1809

 

Cando? O sábado, 23 de marzo

Onde? No Centro Veciñal e Cultural de Valladares (ver mapa)

Quen pode participar? A participación na cea está aberta a todas as persoas que desexen asistir e cumpran dous requisitos:

    • Vestir de xeito adecuado á época, como se estiveramos en 1809
    • Abonar o importe da cea, 20 €, no prazo establecido

Onde e como podo anotarme? Dende o luns, 18 de febreiro, ate o venres, 15 de marzo, estará aberto o prazo para inscribirse, no local da Asociación de luns a venres, de 11.00 a 13.30 e de 17.00 a 20.00, abonando o importe de 20 € por persoa.

 

De cubrirse o aforo antes da data de finalización do prazo, daríase por pechada a inscrición, e anunciaríase nesta web. Establecerase un servizo de transporte entre o Casco Vello e o lugar da cea, pasando por Pi i Margall e as Travesas. Coa cea iniciaremos os actos da Festa de Reconquista que se celebrarán os días 6 e 7 de abril, sábado e domingo.

 

 
Premios VII do concurso de carteis da Reconquista 2013
Venres, 21 Decembro 2012 09:17

 

Presentamos os carteis premiados do VII Concurso de Carteis da Festa da Reconquista. O fallo dos premios producírase na noite do mércores, 18 de decembro. O xurado estivo composto por Isaura Abelairas concelleira de Cultura e Festas do Concello de Vigo, como presidenta; Cándido Pérez Betanzos, presidente da AVC Casco Vello, como secretario; Fátima Suárez, membro da Comisión de Cultura da AVC Casco Vello, e como vocais independentes do mundo da cultura, as artes, Francisco Domínguez martínez, director da Fundación Penzo, e Liliana Lista Cabral. Os membros do xurado destacaron a calidade dos traballos presentados, trinta e seis en total, procedentes de toda España.

 

w_jaque

w_chulia

w_simbolos

Accesit

Jaque Mate

Andrea Antepazo Camiña

Primeiro premio
Chuliña

Isabel Nuñez Montero

Accesit

Símbolos

Iñaki Fernández Iturmendi


 
Reconquista 2013. Concurso de carteis
Venres, 16 Novembro 2012 09:07

Bases do VII Concurso de Carteis da Festa da Reconquista da Vila de Vigo

 

O obxectivo deste concurso é seleccionar un cartel para empregar na divulgación do programa da Reconquista da Vila de Vigo 2013, que organiza a Asociación Veciñal e Cultural Casco Vello de Vigo (dende agora AVC Casco Vello) en colaboración co Concello de Vigo.

 

Neste concurso poden participar todas as persoas físicas ou xurídicas, e poderán presentar cada unha delas unha obra, coa condición de que sexan inéditas.

 

Os orixinais realizaranse verticalmente, en papel de 29.7x42cm (A-3), e presentaranse protexidos e montados sobre soporte ríxido e desmontable, que permita a súa perfecta exposición. A técnica utilizable será libre dentro dos límites usuais para permitir unha normal reprodución fotomecánica. Entregarase copia en soporte informático (jpg, bmp, png) cunha resolución mínima de 300 ppp. 

En ningún caso se admitirá o uso de imaxes sobre as que non se teña a propiedade, ou permiso expreso sobre as mesmas.

No caso de remitirse facturados, a AVC Casco Vello non responderá de posibles danos nin extravíos, como tampouco da súa devolución.

 

A AVC Casco Vello non responderá dos posibles danos que poidan sufrir os carteis como consecuencia do seu transporte, manipulación, montaxe e desmontase, no caso de realizarse algunha exposición destes. Por este motivo recoméndase que os carteis se presenten en soporte de, cartón-pluma, cartón ou similar, evitando o emprego de cristal, metacrilato, enmarcado, etc.

 

Os orixinais deberán incluír necesariamente os seguintes textos e logos:

 

Reconquista da Vila de Vigo, 6 e 7 abril, 2013,

declarada de interese turístico galego


Logotipo da AVC Casco Vello descargar

Logotipo da Concellaría de Cultura e Festas do Concello de Vigo descargar

 

 
Festa do Samaín 2012
Luns, 29 Outubro 2012 18:35

A véspera de Santos, o mércores 31 de outubro, a partires das 17.30 horas, na praza do Berbés, celebraremos a Festa do Samaín. Unha festa, dirixida de xeito especial ás criaturas, pero na que tamén participaremos as xentes de máis idade para transmitirlles as tradicións, os costumes, as lendas, e divertírmonos todos e todas.

A Festa do Samaín é unha celebración das máis antigas do mundo celta, na que se celebra o remate do verán e das colleitas,  e se lle abre a porta a estación escura, o inverno, coa que comezaba o novo ano. Unha oportunidade de relación entre os vivos cos seus antepasados.

 

 

Programa:

 

17:30h Obradoiro de maquillaxe

18:00h Confección de calacús

19:00h Actuación de Ce e a orquestra Pantasma

20:00h magosto infantil e foliada

 

  samain_cartel

 
Noite Meiga 2012
Xoves, 21 Xuño 2012 19:05

O xoves, 23 de xuño, como ven sendo tradicional, celebraremos a Noite  Meiga do Casco Vello na praza do Berbés.

Dende as cinco da tarde estaremos rematando de montar a fogueira.

Logo ás 22:00 as bruxas e os castróns percorrerán o barrio coas cacharelas purificadoras,. Para chegar na media noite a praza e prender a fogueira na que queimaremos os maleficios de inverno e descubriremos ás bruxas que se ocultan na escuridade

O lume e a auga serán os protagonistas dunha note máxica na que faremos o tránsito ao verán, ás colleitas e a luxuria.

Preparade a auga aromática coas herbas que recolleredes a noitiña, na que non ha de faltar herba luisa e herba do sanxoán, e deixarédelas ao resío da noite para lavar as caras e abrir os ollos e ver con claridade o resto do ano.

 

  meiga2011

 
<< Inicio < Anterior 1 2 3 4 5 Seguinte > Final >>

Páxina 4 de 5
© 2014 Asociación Veciñal e Cultural Casco Vello de Vigo