|
Xoves, 13 Novembro 2014 00:00 |
|
Dende a AVC Casco Vello denunciamos dende hai moito tempo o perigo que representa para os veciños e visitantes o esvaradizo chan da Praza do Berbés, que se acrecenta máis coas choivas e nas inmediacións das árbores que rodean a estátua homenaxe ó Pescador.
O pasado lúns 27 de outubro nunha reunión mantida co Alcalde, Abel Caballero, transmitíronselle as queixas e preocupación sobre este problema e demandouse unha solución, ao que o Alcalde respondeu que estudaría o problema e buscarían como resolvelo axiña.
Transcurridas varias semanas o único feito ata agora foi o precintado da zona máis perigosa da praza pola Policía Local ante a chegada das choivas e as constantes caídas e denuncias dos veciños.
Na prensa recóllese estos días o problema e denuncias dos veciños: Faro de Vigo (13/11/2014), Televisión de Galicia (13/11/2014).
|
|
|
|
|
Luns, 09 Xuño 2014 19:23 |
|
OFERTA DE EMPREGO
Suxeita á concesión da subvención do Plan de Emprego Municipal 2014
Requisitos para todos os postos:
-
Empadroamento no Concello de Vigo
-
Demandante de emprego
-
Experiencia laboral no posto a desenvolver
-
Período de contratación: do 16/06/2014 ao 31/10/2014
-
Condicións suxeitas ao Convenio Colectivo de OCIO EDUCATIVO E ANIMACIÓN SOCIOCULTURAL
-
Prazo presentación curricula: Ate o venres, 13 de xuño de 2014, ás 20:00 horas, na oficina da Asociación, Cánovas del Castillo 2, baixo
Posto: TÉCNICO/A DE ANIMACIÓN SOCIOCULTURAL
Posto: ADMINISTRATIVO/A
|
|
Mércores, 26 Febreiro 2014 13:28 |
|
A Asociación Veciñal Cultural Casco Vello, ás persoas asociadas e á veciñanza do seu ámbito territorial en relación co programa SEREOS, traslada a seguinte información:
Segundo nos acaban de comunicar da Alcaldía do Concello de Vigo “é absolutamente falso que se vaia a proceder á inauguración dun local para SEREOS no Pavillón do Berbés ou nas súas proximidades”.
Este desmentido, prodúcese a raíz dunha pregunta que a este respecto se lle fixo ao alcalde esta mañá, nunha comparecencia de prensa, e que o alcalde se encargou de desmentir.
Sabemos que persoas anónimas teñen interese en provocar unha situación de desconfianza lanzando rumores a diario sobre as posibles solucións á situación de SEREOS. |
|
Sábado, 05 Outubro 2013 08:51 |
|
Co patrocinio do Concello de Vigo, Outonos de mar e terra, é a denominción común para os concertos que Orfeón Mariñeiro do Berbés ofrecerá nas vindeiras datas, coa organización da AVC Casco Vello, a VCD Lavadores, e a Asociación de Mariñeiros Artesanais de Bouzas.
Os concertos celebraránse nas seguintes datas e lugares:
- 10 outubro, ás 20.30 horas, na praza da Constitución
- 27 outubro, ás 18.00 horas, na ACD Lavadores (Avda Ramón Nieto 302)
- 30 novembro, ás 20.00 horas, XV Concerto de Corais de Canción Mariñeira en Bouzas, no IES Audiovisuais (rúa Eduardo Cabello)
|
|
|
Mércores, 22 Maio 2013 08:21 |
|
Domingo día 26 de maio
Cento cincuenta anos da publicación de Cantares gallegos na rúa Real
Festa das letras floridas no barrio de Rosalía
|
PROGRAMA
-De 8 a 12. Factura da Alfombra floral. Desde a praza de Almeida pola Rúa Real abaixo, ata onde dean os recursos florais, mínimo ata a placa existente.
-De 11 a 12. Poetas recitan no medio da rúa, da xente e das flores.
-De 12 a 13. Na praza da Constitución, Baile, música, pandeireta... animación sociocultural.
-Ás 13. Na praza de Almeida, alocución dos representantes das entidades organizadoras.
A continuación, Coro dos Cantares do Brión e Orfeón Mariñeiro do Berbés.
-Ás 14. Himno galego diante da casa coa placa de Rosalía e Cantares.
ORGANIZAN
Fundación Rosalía de Castro
Concello de Vigo
Asociación veciñal e cultural do Casco Vello
Federación de asociación veciñais
de Vigo “Eduardo Chao”
DAG Asociación galega de deseñadores
|
|
|
|
Venres, 19 Abril 2013 08:19 |
|
O domingo, 28 de abril, ás 19:30 no auditorio do Teatro García Barbón (agora Novagaliciabanco), entrada pola rúa Marqués de Valladares, o Orfeón Mariñeiro do Berbés ofrecerá un concerto para presentarse diante do público. As invitacións, ata completar o aforo, poden solicitarse na AVC Casco Vello, na rúa Oliva 12, de luns a venres, e das 11:00 ás 13:30, e das 16:30 ás 19:30 horas.
|
|
Xoves, 08 Novembro 2012 10:29 |
|
|
Dende hai unhas semanas, esta accesible dende o menú desta mesma web, o blog do Orfeón Mariñeiro do Berbés.
Este grupo de canto mariñeiro e tabernario deu as súas primeiras voces nos sotos da nosa Asociación Veciñal e Cultural.
Do talento musical e das mans coas que o mestre Luís Prego interpreta no acordeón as cantigas tradicionais, o grupo de mulleres e homes, aos que lles foi aprendendo a cantar xuntos nun curso de canto estas pezas, posibilitaron a creación dun Orfeón do que a través deste blog e outros medios iremos dándovos noticia.
Compartimos nesta primeira entrega, uns vídeos gravados durante a actuación do Orfeón na II Cea da Festa da Reconquista. Estes vídeos son accesibles a través do blog ou directamente no canal de YouTube, Orfeón Mariñerio do Berbés
|
|
|
|
|
|
<< Inicio < Anterior 1 2 3 4 5 Seguinte > Final >>
|
|
Páxina 3 de 5 |
