A Asociación Veciñal Cultural Casco Vello, ás persoas asociadas e á veciñanza do seu ámbito territorial en relación co programa SEREOS, traslada a seguinte información:

Segundo nos acaban de comunicar da Alcaldía do Concello de Vigo “é absolutamente falso que se vaia a proceder á inauguración dun local para SEREOS no Pavillón do Berbés ou nas súas proximidades”.

Este desmentido, prodúcese a raíz dunha pregunta que a este respecto se lle fixo ao alcalde esta mañá, nunha comparecencia de prensa, e que o alcalde se encargou de desmentir.

Sabemos que persoas anónimas teñen interese en provocar unha situación de desconfianza lanzando rumores a diario sobre as posibles solucións á situación de SEREOS.